Një aksident i rëndë ka ndodhur mëngjesin e sotëm, ku një 18-vjeçare, me iniciale S.B. është përplasur nga treni.
Ngjarja ka ndodhur në Vorë, ndërsa mësohet se adoleshentja ka qenë duke lidhur këpucët mbi shina të trenit, teksa ishte nisur për në shkollë.
Mësohet se ajo është dërguar me urgjencë në spital, në gjendje të rëndë.
Njoftimi i policise:
Me datë 25.01.2018, rreth orës 08:10, në Sallën Operative ka ardhur një telefonatë se në Vorë, ka një aksident.
Menjëherë në vendngjarje kanë mbëritur shërbimet e Policisë dhe Ambulanca, ku nga verifikimet paraprake rezulton se:
Në stacionin e trenit në Vorë, lokomotiva, me drejtues shtetasin J.N., 61 vjeç, ka aksidentuar shtetasen S.B., 18 vjeçe, e cila u transportua në spital dhe ndodhet në gjendje të rënde shëndetësore.
Grupi hetimor po kryen veprimet e metejshme për përcaktimin e shkakut të aksidentit.
Drejtuesi J.N., është shoqëruar në Polici për veprime të mëtejshme.
