Ish-drejtori i Arkivit në Ministrinë e Brendshme, historiani Kastriot Dervishi në një postim në rrjetin social “Facebook” shkruan se grekët kanë fryrë shumë numrin e ushtarëve të varrosur në Shqipëri. Dervishi thotë së pretendimi i Greqisë ka qenë për kërkimin e 12-13 mijë ushtarëve të vrarë ose të ngrirë në Shqipëri. Midis asaj që është identifikuar në terren dhe asaj që pretendohet, ka luhatje të mëdha.
Historiani thotë së në bazë identifikimit të vitit 1985, ku u bë dhe zhvarrimi i parë i ushtarëve të vrarë grek në Shqipëri u raportua për ekzistencën e 2.251 varreve të ushtarëve grekë në Shqipëri. Dervishi i referohet materialeve dhe zyrtarëve të Ministrisë së Ekonomisë Komunale të sistemit komunist.
Gjithashtu, Dervishi sqaron se italianët i zhvarrosën dhe më pas tërhoqën eshtrat e ushtarëve të tyre në vitet 1958-1960. Ndërsa çështja e ushtarëve grekë ngeli e zgjatur në kohë, për shkak të politikave jo të qarta të shtetit komunist shqiptar. Por pretendimet e shteti grek me të vrarët krahasuar me realitetin nuk përputhen gjëkundi. Kjo nënkupton se se politikat e shteti grek janë të tjera. Kujtojmë këtu faktin se ka pasur një herë zhvarrime të ushtarëve grek në vitin 1985 (lajmin e plotë lexoje këtu)
Postimi i plotë i Kastriot Dervishit
Italianët dhe grekët e Luftës Italo-Greke
Lufta Italo-Greke u zhvillua në tetor 1940 deri në prill 1941. Nisi si agresion i Italisë ndaj shtetit grek dhe përfundoi me ndërhyrjen gjermane në Ballkan. Për një kohë jo të vogël (14 nëntor 1940-26 mars 1941) ajo u zhvillua brenda territorit shqiptar, në të cilin vepruan 15 divizione greke dhe 27 divizione italiane.
Italianët i zhvarrosën dhe më pas tërhoqën eshtrat e ushtarëve të tyre në vitet 1958-1960, pas marrëveshjes midis Shqipërisë dhe Italisë të datës 22.11.1957. Pala italiane caktoi në delegacionin e vet gjeneralin në rezervë Domenico Bandini, kapitenin Giovani Sinici dhe priftërinjtë Don Bertozi dhe Don Morrezo, të cilët erdhën më 15.2.1958. Gjenerali italian, më parë kishte shërbyer në Shqipëri në vitet 1929-1938 në shkollën e artilerisë.
Çështja e ushtarëve grekë ngeli e zgjatur në kohë, për shkak të politikave jo të qarta të shtetit komunist shqiptar, i cili mund ta kishte mbyllur përfundimisht duke iu përgjigjur kërkesës së parë të Greqisë për tërheqjen e plotë të tyre. Pretendimi i Greqisë ka qenë për kërkimin e 12-13 mijë ushtarëve të vrarë ose të ngrirë në Shqipëri. Referuar identifikimit të vitit 1985, zyrtarët e Ministrisë së Ekonomisë Komunale raportuan ekzistencën e 2.251 varreve të ushtarëve grekë në Shqipëri. Siç edhe shihet, midis asaj që është identifikuar në terren dhe asaj që pretendohet, ka luhatje të mëdha.
