Ish-eksponentja kryesore e LIBRA-s, Mimoza Hafizi tha sot se e mësoi nga media largimin nga partia. Në një prononcim për “Tirana Today”, Hafizi thotë se kjo është një procedurë antiligjore dhe për këtë është krejt e sigurt. Ajo madje e quam komedi atë që ka ndodhur dhe se e ka lënë pa fjalë.
“Përjashtimin tani e mësova. Qenka kryer para një jave dhe sot e nxjerrin mediat dhe nuk e di se kush është mbledhur dhe përse është mbledhur. Kjo është një procedurë antiligjore dhe për këtë jam krejt e sigurt. Kjo është kthyer në një komedi. Nuk di ç’të them“, deklaroi Hafizi për Tirana Today.
Politikania Hafizi tha se rasti i saj është i pa precedentë. Ajo shpjegon se nuk është ftuar nga asnjë komision i ngritur nga libra. Hafizi shkon më tej me akuzat ndaj LIBRAS kur thotë së vendimi u mor si në kohën e komunizmit. Ajo shpjegon se në gjyqet e komunizmit kur merrej një masë ndaj një njeriu, ai ishte i ftuar që të thoshte fjalën e tij.
“Si media mund të gërmoni dhe nuk do të gjeni ndonjë ekuivalent tjetër në historinë e partive politike shqiptare. Ndoshta vetëm në kohën e Enver Hoxhës. Unë tani e mësoj që qenkam përjashtuar para një jave dhe qenka ngritur një komision dhe kushdo që të ngrihet dhe merr masa ndaj një njeriu ai person duhet ftuar. Sepse në gjyqet e komunizmit kur i kanë dënuar njerëzit i kanë ftuar që të japin versionin e tyre. Ndërsa pas 1 jave mësoj që qenka mbledhur disa njerëz që nuk dihet se kush janë dhe paskan nxjerrë këto argumente. Në gjyqet e komunizmit kur merrej një masë ndaj një njeriu ai ishte i ftuar që të thoshte fjalën e tij. Ndaj nuk e di ç’të them a është komedi, a është tragjedi, a në grotekst. Del jashtë çdo klasifikimi kjo histori,” theksoi Hafizi për Tirana Today.
Sa i përket faktit se në vendimin e LIBRA-s theksohej se Hafizi kishte zhvilluar takime në kundërshtim me statutin, ish-eksponentja e lartë e LIBRA-s vuri në dukje se “Kam bërë detyrën e tyre. Jam anëtare e Bërthamës. Kryetari kishte mbledhur Bërthamën. Jemi bërë 1/3 e Bërthamës. Kemi kërkuar që të mblidhet. Kemi kërkuar që të zbatohet statuti. Kemi mbledhur firmat dhe kaq.”
Pak ditë më parë, në datë 13 Janar LIBRA vendosi përjashtimin nga partia të themelueses Mimoza Hafizi. Sipas njoftimit në faqen zyrtare të partisë LIBRA, Komisioni i Etikës ka përjashtuar Hafizin me arsyetimin se ka shkelur statutin, por njoftimi në media ka dalë vetëm sot pastite.
Vendimi është publikuar në faqen zyrtare të Partisë LIBRA, ku arsyetohet se Hafizi, ka kryer veprime të cilat përbëjnë shkelje të rënda të Statutit duke cënuar seriozisht funksionimin e Organizatës Politike “Lista e Barabartë”.
Ndërkohë sot dha dorëheqjen dhe kryetari i LIBRA, Ben Blushi. Ai renditur edhe arsyet që e çuan të merrte një vendim të tillë.
Sipas tij; “shqiptarët duan te jene gjithnje me te fortet dhe jo me te drejtet, duke menduar se cka eshte e forte eshte edhe e drejte dhe cka eshte e drejte eshte gjithnje e dobet”. TIRANA TODAY
