Teksa media shkruan në përditshmërinë e saj se janë 38 grupe kriminale, të cilat tashmë janë të skeduara dhe po mbahen në vëzhgim. Ministri i Brendshëm, Fatmir Xhafaj nuk tregon më shumë se sa grupe janë, por sipas tij, ky është një raportim nga media. Ai tha se mund të jenë 28, 38 apo dhe 48 të tilla.
Xhafaj tha, se i vjen keq që kjo besohet në publik, por ai tha se policia tashmë do të veprojë në një realitet krejtësisht ligjor, ndërsa e cilësoi një sfidë për të luftuar grupet e strukturuara kriminale.
Ai tha se tashmë po hartojmë kuadrin e duhur ligjor, ndërsa theksoi se duhen masa të shtuara infrastrukturore për ta bëra këtë, ndërkohë la të kuptohet se kjo është sfida më e madhe e instutucionit që ai drejton, por edhe për strukturat e policisë.
“Jo nuk e kemi thënë këtë gjë dhe nuk e ka thënë Ministria e Brendshme. Mund të jenë 28, 38 mund të jenë 48. Media e ka thënë. Duhet të sqarojë një gjë. Mua më vjen shumë mirë që ka një pritshmëri të lartë ndaj kësaj, që do thotë se besohet. Së dyti që është shumë e rëndësishme janë vetëm dy muaj që kur ka filluar i gjithë ky proces. Natyrisht nuk filloi nga zero, por ka vetëm dy muaj që po ndërtohet e gjithë kjo qasje e posaçme, e fokusuar në luftën kundër grupeve kriminale. Së pari është dashur një kohë e nevojshme për të bërë kuadrin ligjor të nevojshëm. Pa një kuadër ligjor të caktuar, pa disa akte nënligjore është e pamundur, sepse këtu po bëjmë fjalë për një veprimtari ligjore të kryer nga shteti, në bazë dhe për zbatim të ligjit. Së dyti që është shumë e rëndësishme ka nevojë për masa të nevojshme infrastrukturore, për ta organizuar të gjithë këtë ndërmarrje të madhe”-tha ministri Xhafaj.
