Sëmundja e fruthit tek fëmijët ka shkaktuar flukse në qendrat spitalore, ndërsa është krijuar edhe një panik në popullatë. E ftuar në “News 24”, Silva Bino, specialiste dhe njëherësh pedagoge në Fakultetin e Mjekësisë në UT, ka thënë se prindërit duhet të vaksinojnë fëmijët e tyre, pasi rastet e paraqitura janë kryesisht tek ata fëmijë që nuk kanë marrë vaksinën.
Ajo tha se nuk ka vend për panik, pasi rastet po trajtohen, ndërsa shton faktin që fëmijët të vaksinohen sa më shpejt të jetë e mundur.Për Binon, janë 1200 fëmijë që nuk kanë marrë vaksinën, duke shtuar se ka nisur fushata për vaksinimin e tyre. Ajo tha se sëmundja e fruthit është një sëmundje virale, e cila shpërndahet përmes ajrit.
Specialistja e sëmundjeve infektive nënvizon se vaksinimi nuk shkakton autizëm, por prindërit duhet të tregohen vigjilent.
Deklarata e Silvana Bino
Fruthi në përgjithësi është një sëmundje infektive, që mund të lë pasoja tek fëmijët. Ata duhet të mbrohen nga nëna kur është deri në 9 muaj, në periudhën e mëtejshme ai mund të humb imunitetin e ruajtjes nga nëna.
Problemi është se shumë prindër hezitojnë, vaksina nuk shkakton autizëm, pasi nuk ka asnjë vlerë shtyrja e saj. Ka prindër që nuk kanë vaksinuar fëmijët, por duhet t’i vaksinojnë menjëherë. Jo të gjithë fëmijët të dërgohen në QSUT, fruthi është sëmundje virale që shpërndahen përmes ajrit.
Sa i takon gripit, kemi një numër më të vogël në krahasim me vitet e kaluara. Rreth 70% e fëmijëve që ishin të pavaksinuar, janë prekur nga fruthi. Fruthi jep shenja si temperaturë dhe anoreksia, është një dobësi e skajshme. Pastaj janë shenjat, e rrjedhjes së hundëve dhe skuqja të mukozave të hundës. Shfaqen në gojë kokrra rëre, që zakonisht janë të skuqura. Nuk ka vend për panik, pasi nuk jemi në një prag epidemi. Ne kemi mjek pediatër shumë të mirë, infeksionistë dhe po përpiqemi të trajnojmë.
