Rrëfimi i aktores me origjinë shqiptare, Eliza Dushku se ishte përdhunuar kur ishte vetëm 12 vjeçe, bëri bujë të madhe.
Lidhur me këtë rrëfim ka reaguar edhe aktori i madh hollivudian, Arnold Schwarzenegger, ka shprehur indinjatën e tij dhe mbështetjen për aktoren Eliza Dushku.
Në një reagim në Twitter, Schwarzenegger shprehet se është krenar për Elizën.
“Të gjithë do të bënim diçka. Jam i shokuar dhe i pikëlluar për Elizën, por po ashtu jam krenar për të – përpos faktit se është një aktore e talentuar, ajo është një grua e mrekullueshme dhe e guximshme”, ka shkruar aktori në Twitter.
