Rrezikojnë jetën, për të arritur në “tokën e premtuar”. Pamjet e këtij fenomeni të dhimbshëm vijnë tashmë nga porti i Bilbaos në Spanjë, ku të rinjtë shqiptarë mundohen të hipin në ndonjë kamion, për të arritur në Angli.
Edhe pse po aplikohen masa shtrënguese për ndalimin e refugjatëve, thuajse çdo natë kalojnë emigrantë të shumtë në Angli, ndër ta shumë shqiptarë.
Një qytetar ka dërguar për JOQ.al pamjet nga Bilbao dhe tentativën e shqiptarëve për të kapur ilegalisht kamionët që nisen drejt Anglisë, duke shpjeguar rreziqet që u kanosen, teksa një person duhet më parë të kalojë një mur 5 metra të lartë për të hyrë më pas te parkingu i kamionëve.
“Ola JOQ! Ju përshëndesim nga porti i Bilbaos, Spanjë, çunat shqiptarë që rrezikojnë jetën për të hip në kamionët që nisen për Angli, ndër ta jam edhe un që tani po filmoj.
Duhet te kalosh atë murin që është rreth 5m për të hyrë te parkingu i kamionëve”, shkruan mesazhdërguesi.
Fatmirësisht për të, djali që ka dërguar pamjet ka arritur të hipë në kamion nga edhe ku ka dërguar një foto disa momente më vonë.
