Panairi teknologjik në shtetin e Las Vegasit ishte i tejmbushur me dhjetëra robotë, të cilët kryenin funksione të ndryshme, ndërsa ata ishin në garë për të tërhequr sa më shumë vëmendje.
Pajisjet robotike ishin të shumëllojshme duke filluar nga robotët që bënin punët e shtëpisë deri tek ata që krijonin instilacione artistike me shumë klas dhe finesë.
“Megjithatë në panair dominoi më shumë koncepti i ri robotik i kompanisë japoneze Honda i dizajnuar për të krijuar lidhje emocionale me përdoruesit. A-18 është një robot me kosto mjaftë të lartë i programuar për të komunikuar duke përdorur një sërë mimika faciale të lehta dhe të thjeshta për tu kuptuar”-shruan Alsat.
“Disa njerëz mundet të ndihen më mirë me idenë se diçka si një robot apo tjerë njerëz kanë situata ku edhe ato kanë nevojë për shoqëri, ndjeshmëri, pra kan nevojë që dikush ti kuptojë dhe ky robot është një mundësi që ato njerëz ta marrin atë që duan – tha Erik Mauk, “Honda”.
Në panair nuk kishte si të mungonte edhe Sofia, roboti e cila pak kohë më parë mori shtetësinë arabe. Sofia është një robot që ngjan shumë me një njeri dhe për herë të parë në publik u shfaq në mars të 2016. Për paraqitjen fizike njerëzore dhe aftësitë komunikuese të Sofisë e punoi një ekip i tërë shkencëtarësh nga vende të ndryshme të botës.
