Një 24-vjeçar u akuzua nga një 13-vjeçare, bashkëjetuese e tij, për dhunë psikologjike. Ngjarja ndodhi para pak ditësh në Lezhë, por tashmë 24-vjeçari ndodhet në telashe edhe më të mëdha.
Prokuroria e Lezhës ka nxjerrë urdhër-ndalimi për të riun, pasi në ekspertizën mjeko-ligjore rezulton se ai ka kryer edhe marrëdhënie seksuale me 13-vjeçaren A.G. Madje, kjo e fundit tashmë rezulton të jetë edhe shtatzënë.
Pas urdhrit të mbrojtjes që është lëshuar menjëherë nga Gjykata për vajzën, tashmë i riu do të përballet edhe me akuzën e kryerjes së marrëdhënieve seksuale me të mitur.
13-vjeçarja pati deklaruar se ajo është e dashuruar dhe ka bashkëjetuar me vullnetin e saj me 24-vjeçarin dhe me dijeni e familjes, megjithatë djali është shpallur në kërkim nga ana e Policisë.
Duke iu referuar nenit 100 të Kodit Penal, marrëdhënia seksuale me fëmijë të mitur, që nuk kanë arritur moshën 14 vjeç, dënohet me burgim nga 7 deri në 15 vjet burg, raporton Panorama.
13-vjeçarja është marrë në mbrojtje dhe po trajtohet nga psikologët, pasi tashmë e mitura duhet të përjetojë edhe faktin e të qenit shtatzënë në një moshë fare të vogël.
