Armand Duka ka komentuar për herë të parë kandidimin e deputetit Bashkim Fino në zgjedhjet për kreun e FSHF-së, që mbahen më 7 shkurt.
Duka vlerësoi dëshirën e Finos për të kontribuar në futboll, ndërsa tha që kjo duhet marrë me sportivitet.
“Do kemi kohë të flasim për fushatë. E falënderoj Finon që është kandidat dhe ka dëshirë të kontribuojë për futbollin. Duhet ta përjashtojmë fjalën debat, kjo është një garë sportive dhe duhet të duhet ta marrim me sportivitet. Do kemi kohë të diskutojmë hapur për futbollin. E rëndësishme është që futbolli të ecë përpara”, u shpreh Duka pas një aktiviteti të Kryqit të Kuq shqiptar.
Deputeti socialist zyrtarizoi dje kandidaturën e tij për President të FSHF-së, duke i lënë mandatin e tij në Kuvend Gentiana Cakrani, e cila renditet e 11-a në listën emërore.
