Skandal, mbetjet spitalore hidhen në koshat e plehrave në qytetin Sarandë. Në kontenierët e mbeturinave pranë spitalit “Petro Nako” u gjetën mbetje spitalore.
Për të parë situatën nga afër ishte edhe Kryeinspektori i komanduar i Inspektoratit të Mjedisit Vlorë, Ilinden Maze i cili tha për mediat se “unë jam sot në terren dhe po verifikoj nga afër mbetjet spitalore”.
“Jemi në kërkim të autorëve që të gjejmë cilët janë dhe të përgjigjen para ligjit“, tha Maze. Ndërsa pranë vendit ku janë hedhur mbetjet mbërriti edhe një patrulle policie.
Kjo është hera e dytë brenda një harku të shkurtër kohor që hidhen mbeturina spitalore në kontenierët pranë spitalit të Sarandës, shkruan ora news. Ky segment rrugor është i populluar edhe me shume laborator dhe klinika private.
Ndërkohë që nga Inspektorati i Mjedisit konfirmohet që spitali ka marrëveshje me kompani private për heqjen e mbeturinave spitalore ndërsa edhe shumica e klinikave apo laboratorëve privatë i disponojnë këto marrëveshje për heqjen e mbetjeve spitalore.
