Kryetarja e Komisionit të të Çështjeve Ligjore, Vasilika Hysi tha sot se kryeprokurorja e përkohshme Arta Marku nuk heton dot “peshqit e mëdhenj”. E ftuar në rubrikën “Opinion” në “News 24”, Hysi tha se me reformën në drejtësi dhe ligjet e reja, nuk është detyre e kryeprokurores që të hetojë çështjet e caktuar apo për ato që quhen “peshqit e mëdhenj”. Ajo sqaroi se hetimet e “peshqve të mëdhenj” janë në dorën dhe integritetin e prokurorëve që kanë këto dosje.
“Peshqit e mëdhenj nuk janë kompetence e kryeprokurorit. Më reformën në drejtësi dhe ligjet e reja nuk është detyre e kryeprokurores që te hetojë çështjet apo për ato që quhen peshqit e mëdhenj. Është detyrë e prokurorëve që kanë në ngarkim dosjet e atyre që ju i quani peshqit e mëdhenj të hetojnë apo të ndalojnë hetimet në këto dosje.
Mbetet në dorën dhe integritetin e këtyre prokurorëve hetimet për dosjet e caktuara. Dhe për këtë arsye nuk mund të etiketojmë kryeprokurorin“, tha Hysi.
Kujtojmë se ambasadori amerikan Donald Lu lëshoi një deklaratë të fortë drejt politikanëve shqiptarë,ku tha se ku peshqit e mëdhenj duhet të përfundojnë në burg, ai shtoi se në janar do shikonim arrestime të peshqve të mëdhenj. Kjo deklaratë vjen pas atyre të pak ditëve më parë për familjet mafioze dhe klanet e krimit në Shqipëri.
