Lufta ndaj krimit të organizuar dhe grupeve kriminale pritet të japë rezultatet e para gjatë muajit shkurt. Policia e Shtetit ka identifikuar grupet kriminale dhe po punohet për të goditur aktivitetin e tyre. Ndër të tjera theksohet se janë identifikuar 38 grupe kriminale, të cilat zotërojnë asete pasurore, toka dhe biznese, ndërsa janë vënë prej kohësh nën radarët e operacionit “Forca e Ligjit”
“Bëhet me dije se një pjesë e grupeve kriminale me asete të mëdha janë përpjekur të legalizojnë pasurinë e tyre, ndërsa një pjesë tjetër po mundohen ta kalojnë atë në emër të personave të tretë. Megjithatë, policia bën me dije se të gjitha grupet janë në mbikëqyrje, ndaj dhe nuk mund të fshehin pasurinë, pavarësisht tentativave pas nisjes së operacionit të bujshëm”-shkruan Shqiptarja.com.
Ajo çfarë bie në sy është se pjesa më e madhe e grupeve, nuk ndodhen në Shqipëri, ndërsa e shprehur në përqindje ato përbëjnë 30-40% qe drejtojnë aktivitetin kriminal në Shqipëri, përmes grupeve të komanduara. Duket se largimi i Çakos ka sjellë një frymë pozitive, pasi tashmë janë skeduar grupet kriminale, ndërsa priten aksionet për arrestimin e tyre dhe sekuestrimin e aseteve financiare.Forma si do të arrestohen këto grupe nuk është bërë e ditur, por po punohet për të mbledhur informacion për të secilin prej tyre.
