Evakuohen banorët e një pallati 5-katësh që rrezikonte shembjen si pasojë e çarjes së tokës. Anëtarët e 15 familjeve rrezikonin jetën, ndërsa alarmi erdhi nga rrëshqitjet e dherave dhe nga lëkundjet që kanë ndjerë.
Disa prej familjeve janë larguar vetë, ndërsa rreth 7 familje kanë kundërshtuar evakuimin. Nga rrëshqitja e dheut, është krijuar një çarje rreth 100 metra, madje shumë banorë të këtij pallati braktisën apartamentet e tyre gjatë natës.
Gjeologët thanë se bëhet fjalë për një emergjencë të kategorisë së lartë, ndërsa pritet raporti përfundimtar i specialistëve të gjeologjisë.
Të shtunën, kreu i Gjeologjisë kërkoi evakuimin e gati 60 personave sepse rrëshqitja konsiderohet aktive dhe çarjet janë thelluar.
