Jose Mourinhos dhe Antonio Conte, janë duke zhvilluar një “luftë” në distancë mes tyre me deklarata mjaft të zjarrta. Së fundmi debati ka ekzagjeruar me deklarata mjaft të forta, ku Conte e ka quajtur skizofren për mënyrën se si feston, por kundërpërgjigja e Mou është më epike, duke ngritur një akuzë të rëndë drejt italianit.
“Ai vuan nga skleroza, pasi deri para pak kohësh, festonte në të njëjtën mënyrë”, tha Conte pasditen e djeshme, por Mourinho nuk e ka lënë me kaq. Sot portugezi ka vijuar betejën e replikave, teksa ka thumbuar Conten për përfshirjen në skandalin e basteve.
“Është e vërtetë që edhe unë kam festuar në mënyrë të ekzagjeruar, por kjo ndodhte në momente specifike dhe jo në çdo ndeshje. Gjithsesi, unë nuk kam qenë dhe nuk do jem kurrë i pezulluar për përfshirje në baste”, tha portugezi, duke i kujtuar Contes një anë të errët të historisë së tij.
