Ambasada amerikane në Tiranë ka reaguar menjëherë me anë të një deklarate për mediat, pas heqjes së mandatit të dy deputetëve, Aqif Rakipit të PDIU-së dhe Gledjon Rehovicës të LSI-së.
Në njoftimin e ambasadaës ndër të tjera theksohet se e mirëpret këtë vendim nga Komisioni Qendror i Zgjedhjeve, ndërsa theksojnë se kjo është një provë se Shqipëria po vijon procesin e dekriminalizimit “Ky vendim është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri”, theksohet në reagimin e ambasadës.
Në mbledhjen e KQZ-së, u shqyrtuan mandatet e deputetëve, ku rezulton se ata janë të prekur nga procesi i dekriminalizimit. Deputetët nuk e kanë kaluar dot këtë proces, pasi prokuroria ka sjellë informacione shtesë, që ata janë të implikuar në vepra të cilat nuk justifikojnë mbajtjen e mandatit të deputetit. Vendimi është marrë këtë të premte pas mbledhjes së KQZ-së.
Deklarata e ambasadës:
“Ambasada e SHBA mirëpret vendimin e sotëm nga KQZ për t’iu hequr mandatet Aqif Rakipit dhe Gledion Rehovicës. Ky vendim është provë pozitive se procesi i rëndësishëm i dekriminalizimit, filluar në dhjetor 2015, vazhdon në Shqipëri”.
