Sulmuesi argjentinas rrezikon të humbasë shikimin nga fishekzjarrët

Sulmuesi i skuadrës Penarol, Lucas Viatri, ka pësuar plagë të tmerrshme në fytyrë pas një aksidenti me mjete piroteknike, i cili gati sa nuk i kushtoi me humbje të shikimit.

Sulmuesi, i cili po ashtu ka luajtur tri ndeshje për Kombëtaren e Argjentinës, ishte duke provuar ta bëjë një marifet për Krishtlindje, kur për pak sa nuk u verbua nga shpërthimi i fishekzjarrëve. Ai ka pësuar plagë në faqe, sy dhe në fytyrë, por fatmirësisht nuk e ka humbur shikimin. Skuadra e tij ka thënë se nuk e di kur do të jetë në gjendje të kthehet ai.