Darka e sotme është shumë e rëndësishme, teksa të gjithë njerëzit mblidhen me familjarët dhe personat më të dashur të tyre, duke pritur që të ndërrohen vitet.
Por, sigurisht, përveçse e mbushur me ushqime të mira, çdo amvisë kujdeset që tryeza të duket sa më këndshëm, prandaj i kushtohet një rëndësi e madhe zbukurimit të tavolinës.
Prandaj, në ju sjellim disa ide për të zbukuruar tavolinën në këtë Vit të Ri.
Si gjithnjë, ngjyrat klasike të kësaj feste janë e kuqja, e arta, e bardha dhe bluja.
Nëse doni një pamje të ngrohtë dhe ftuese, kombinimi më i këshilluar është ai midis të kuqes dhe të artës, por për të pasur një efekt më elegant dhe të ftohtë, e bardha, bluja dhe argjendi janë përzgjedhja ideale.
Pasi të vendosni se cilat ngjyra do të karakterizojnë tavolinën tuaj, mund të vazhdoni me zbukurimet.
Mbulesa: Është një element që do t’i hapë rrugën pamjes së tavolinës tuaj. Edhe po ta keni zgjedhur të kuqe, të bardhë,ose blu rëndësi ka që ta lini që të zbresë sa më shumë në bordet e tavolinës. Jo aq shumë sa të takojë dyshemenë, pasi në atë rast nuk do ishte veçse pengesë për miqtë tuaj, por në mes të lartësisë midis dyshemesë dhe tavolinës. Kështu, ju do të keni një efekt të bukur skenografie.
Për të shënuar vendet e miqve tuaj, mund të përdorni objekte të vogla të bëra me shtiza-yje, bredha të vegjël, kambana ose topa të vegjël zbukurimi, për t’i lidhur rreth pecetës me një fjongo me ngjyrë. Nëse keni menduar t’u lini një dhuratë miqve të tuaj në fund të drekës apo të darkës, mund t’i përdorni si shënues vendi, duke krijuar pako të vogla në formë dhe përmasa të njëjta dhe duke i personalizuar me një etiketë ose biletë.
Duhet pasur një kujdes i veçantë për zbukurimin e mesit të tavolinës. Ato më tradicionalë janë të përbërë prej boçe pishe, degë bredhi e qirinj, por po të doni të provoni diçka të ndryshme, mund të mbushni një kambanë qelqi të madhe ose shumë kambana të vogla me shumë topa me ngjyrë, duke i vendosur gjatë pjesës qendrore të tavolinës.
Pak më origjinale janë zbukurimet e bëra më boçe pishe. Një ide e bukur për të thyer pak ngjyrën e mbulesës së tavolinës, është ajo e kombinimit të fashës së mesit me një ngjyrë tjetër. Mund të zgjedhim një mbulesë të bardhë me një fashë mesi të kuqe, ose mbulesë e kuqe me fashë mesi të artë ose argjendtë, sipas dëshirës.
