Një bandë hajdutësh e organizuar nga tre shqiptarë është goditur në Itali. Kreu i bandës ishte 46 vjeçari shqiptar Mirgen Dedgjonaj. Hetimet filluan pas një vjedhje të një shtëpie në Forlì në tetor, shkruan parmatoday.it.
Por kreu i bandës Dedgjonaj ishte në arrati pasi ndaj tij ishte lëshuar një urdhër arrest dhe rezultonte i dënuar në Milano për një sërë veprash penale. Por, pavarësisht se ai ishte i shpallur në kërkim ai postonte foto në “Facebok”, në vende të ndryshëm. 
Një ditë më parë mori fund arratia e shqiptarit Mirgen Dedgjonaj i cili u arrestua nga policët e skuadrës Flying në Parma. Por përveç shefit në pranga kanë rënë dhe shtetasit 21 -vjeçari Elis Hoxha, dhe 22 -vjeçar Zefi Ndue, nën akuzën për plaçkën e vjedhjeve të shumta në apartamente.
Hetimet kanë nisur pas një grabitje të kryer më 10 tetor 2017 në një apartament në Forlì: gjatë hetimit të kryer dhe hetimeve të sugjeruara, doli se 46 vjeçari, qëndronte pas gjithë krimit dhe se ishte i fshehur në ë krahinën e Parma. Ai kishte ikur nga shtëpia ku kishte qëndruar më parë e cila ishye e motres së tij, dhe që nga data 27 shtatorit nuk dihej asgjë për të. 
Hetimet e detajuara kanë çuar në njohjen e disa elementeve të dobishme për të gjetur praninë e 46 vjeçari: më 24 nëntor, edhe gjykata e Milanit kishte lëshuar një urdhër arresti kundër tij, dhe u dha dënimi i formës së prerë për 6 vjet dhe 9 muaj burg për disa krime të kryera në 2014 në provincën e Milanos.
Hetimet dhe Facebook
Duke analizuar rrjetet sociale, që 46-vjeçari përdorte, hetuesit arritën të rindërtonin lidhjet e miqësisë dhe fqinjësisë dhe të gjejnë një apartament në Parma, ku ishte strehuar i arratisuri. Në agim të premten, më 22 dhjetor, policia hyri në shtëpinë, dhe gjeti brendan ku ishte 46 vjeçari dhe dy bashkëpunëtorë të tjerë.
‘Froni’ i hajdutëve
Brenda banesës u gjetën shumë objekte të vlefshme prej ari,si dhe telefona celularë, vathë, argjend dhe madje edhe një palë pranga. Të tre janë në burgun e Via Burla.TIRANA TODAY
