Tre kushërinj janë përfshirë në një sherr mbrëmjen e sotme në Maliq, teksa kanë goditur me mjete të forta një 27-vjeçar, i cili është dërguar në Spitalin e Korçës me plagë të rënda në kokë dhe në trup.
Nga të dhënat e para mësohet se i dhunuari ndodhet nën kujdesin intensiv të mjekëve,por ende nuk dihen shkaqet që çuan në një konflikt të tillë. Siç raporton policia, shtetasi me iniciale M.B, i ndihmuar nga dy kushërinjtë e tij kanë dhunuar personin e lartpërmendur.
Ngjarja ka ndodhur pak kohë më parë, ndërkohë vijon puna për zbardhjen e plotë të kësaj ngjarjeje.
Njoftimi i policisë së Korçës
Informacion paraprak. Më datë 27.12.2017, jemi njoftuar se në Spitalin Rajonal të Korçës ka shkuar i dëmtuar me mjete të forta në kokë e trup shtetasi E.B, rreth 27 vjeç, banues në fshatin Podgorie-Maliq.Nga të dhënat paraprake dyshohet se ky shtetas është konfliktuar për motive të dobëta me shtetasin M.B, rreth 27 vjeç, si edhe me dy shtetas të tjerë (kushërinj të këtij të fundit).
Shtetasi E.B, ndodhet nën kujdesin intensiv të mjekëve.Nga ana e Policisë po punohet për sqarimin e rrethanave të ngjarjes. TIRANA TODAY.
