Kreu i Kishës Ortodokse Autoqefale Kombëtare të Shqipërisë, Anastas Janullatos në vigjilje të Krishtlindjes mori nga presidenti Ilir Meta shtetësinë shqiptare. Lajmi i prit mirë dhe me falenderime nga politika shqiptare por dhe ajo greke. Kryepeshkopi Janullatos tashmë duket i pranuar nga politika dhe besimtarët ortodoks. Por atij për 25 vite iu kundërshtua dhënia e shtetësisë shqiptare.
Në gusht të vitit 1992 Anastas Janullatos fronëzohet si Kryepeshkopi i Kishës Ortodokse Autoqefale të Shqipërisë, mes kundërshtimit të ortodoksëve shqiptare siç shihet dokumentohet dhe në filmimet e bëra gjatë shpalljes së zgjedhjes së tij. Kundërshtimet erdhën pasi Anastas Janullatos nuk ishte shqiptar dhe kjo do të bënte që kisha shqiptare ortodokse të humbte mëvetësinë (autoqefalinë).
Në video dëgjohen brohorimat që janë kundër zgjedhjes së Janullatos në krye të Kishës Ortodokse Shqiptare.
Për 25 vite zërat kundër që vijnë nga besimtarët ortodoks kundër Anastas Janullatos janë shuar. Tashmë nuk shohim reagime kundër tij nga besimtarët. Dhe politika duket se e ka pranuar megjithëse për 25 vite i refuzoi shtetësinë shqiptare. Nuk dimë të themi pse ka ndodhur ky ndryshim rrënjësor. Ndoshta Janullatos ka fituar zemrat e shqiptarëve apo politika ka interes që ta njoh si shqiptar në bazë të një marrëveshje të arritur mes Kotzias dhe Bushatit në Kretë (lajmin e plotë lexoje këtu).
