Gjykata Speciale në Kosovë në planin e saj të hetimeve ndaj krimeve të luftës ka skeduar edhe vëllain e kryeministrit të Kosovës, Daut Haradinajn, por edhe Azem Sylën të cilët do të jenë ndër të akuzuarit nga Dhoma e Posaçme në Kosovë, si organ i Gjykatës Speciale. Nuk janë vetëm këto , pasi në listë janë renditur më shumë se 60 persona si të akuzuar për krime lufte.
“Hashim Thaçi si presidenti i Kosovës dhe njeriu i parë i Parlamentit dhe aktualisht kreu i PDK, janë nën hetim nga zyra e prokurorisë. Akuzat e para priten të adresohen në mes të muajit shkurt”- shkruajnë mediat serbe.
Thaçi është nën hetim, si ish-liderit politik i UÇK-së dhe kryetar i qeverisë së përkohshme. Hetime janë kryer edhe ndaj Kadri Veselit për shkak të përgjegjësisë që kishte si ish-shef i SIK-ut, apo siç njihet ndryshe si Shërbimi i Inteligjencës së Ushtrisë Çlirimtare të Kosovës. Priten të ngrihen akuza për krime lufte për 60 pjesëtarë të UÇK-së nga Gjykata Speciale.
Lista e atyre që janë pjesë e hetimeve, u shfaqën vetëm pak ditë më parë, pas një përpjekje në Parlamentin e Kosovës, ku 43 deputetë me mbështetje e Thaçit dhe Haradinajt, të cilët u përpoqën që të rrëzojnë ligjin për formimin e Gjykatës Speciale në Kosovë.
Kjo tentativë e ligjvënësve të Kosovës për të bllokuar formimin e gjykatës , është dënuar me forcë nga Bashkimi Evropian, Shtetet e Bashkuara të Amerikës, por edhe Mbretëria e Bashkuar me anë të ambasadorëve të akredituar në Kosovë.
Mediat serbe shkruajnë duke iu referuar edhe mediave në Kosovë se Azem Syla si njëri nga themeluesit e UÇK-së i njohur me nofkat si “Bosi i Madh” apo “Great Uncle” do të akuzohet për veprat e vrasjeve të vazhdueshme ndaj kundërshtarëve politikë, nga EULEX me emrin “Blaca 2”. Vëllai i Kryeministrit të Kosovës, Daut Haradinaj do të jetë i ngarkuar me rolin që ai ka luajtur në krimin në Liqenin Radonjiç, kur një grup prej rreth 40 serbëve, shqiptarëve dhe romëve u vranë dhe trupat e tyre u hodhën në liqenin e Radonjiçt.
Burimi i këtij portali pohon se gjykata e bazoi akuzën në faktin se në liqen u gjetën 39 trupa të pajetë, të cilët dyshohen se kanë gisht në vrasjen e tyre.Zyra e Prokurorit të Gjykatës Speciale është duke hetuar në lidhje me rreth 500 vrasje të serbëve dhe shqiptarëve pas vitit 2000, duke përfshirë një numër vrasjesh të pazgjidhura e rivalëve politikë të partive me origjinë nga UÇK-ja.
Gjykatë Speciale, nën kujdesin e Bashkimit Evropian, u formua në vitin 2015 për të ndjekur penalisht rastet kundër anëtarëve të OLA për krimet e kryera gjatë dhe pas luftës në Kosovë. Hetimi mbi këto krime filluan pas një raporti Special i Këshillit të Evropës nga Dick Marty, në të cilën u akuzua Hashim Thaçi si i përfshirë në trafikimin e organeve njerëzore në përiudhën e luftës në Kosovë.
Kryeministri i Kosovës, Ramush Haradianj dhe aktualisht kreu i Partisë NISMA, Fatmir Limaj, të cilët janë përballur në Tribunalin e Hagës, por për shkak të mungesës së provave të fajësisë, ata u shpallën të pafajshëm nga ky organ ndërkombëtar për krime lufte. . Kjo u përmend disa herë në Këshillin e Sigurimit të OKB nga kryeprokurorët e ICTY Carla del Ponte dhe Serge Bramertz. TIRANA TODAY.
