Emigrantët ishin mesazhi kryesor i Papa Francesku gjatë mesazhit të tij të Krishtlindjeve. Kreu i Vatikanit i bëri thirrje të krishterëve që të mos injorojnë vështirësitë e njerëzve që janë larguar nga tokat e tyre.
Papa i krahasoi emigrantët me Marinë dhe Jozefin duke treguar historinë se si ata udhëtuan nga Nazareti drejt Betlehemit, por nuk gjetën vend për të qëndruar.
“Shumë emigrantë- tha Papa -detyrohen që të largohen nga vendet e tyre, t’ia mbathin, për shkak të liderëve që derdhin gjak të pafajshmish pa u menduar dy herë”. Mbrojtja e emigrantëve në të gjithë botën ka qenë një nga prioritetet e papës Francesku gjatë papatit të tij.
Shumë emigrantë, tha ai, u detyruan të largoheshin nga udhëheqësit të cilët “nuk shohin asnjë problem në derdhjen e gjakut të pafajshëm”.
“Ne shohim gjurmët e miliona personave që nuk zgjedhin të largohen, duke lënë tokën dhe të dashurit e tyre”.TIRANA TODAY
