Ai është nga Egjipti dhe ka lindur në fshat, gjë që ia ka vështirësuar shumë ëndrrën e tij për tu bërë një futbollist profesionist. Sakrificat kane qenë të panumërta, madje duke udhëtuar pjesën më të madhe të ditës për të mos humbur asnjë stërvitje. Detyrohet të lej edhe shkollën kur ishte në moshën të re, pasi largësia me qendrën stërvitore ia bënte të pamundur ti ndiqte të dyja. Por ia vlejti. Bëhet fjalë për Mohamed Salah, i cili në ditët e sotme është kryefjala e futbollit, duke treguar një nivel të lartë në Premier League dhe duke kryesuar listën e golashënuesve.
Në një intervistë për faqen zyrtare të Livepool në internet, Salah tregon vështirësitë që ka kaluar për të arritur majat e futbollit, aty ku sot po e lakmojnë të gjithë.
“Për pesë ditë në javë, çdo javë për tre apo katër vjet, unë do të bëja këtë rrugë: Dilja në 9 të mëngjesit për të mbërritur në një fushë stërvitore rreth orës 2 apo 2 e gjysmë në drekë. Stërvitja fillonte në 16:00. E mbaroja stërvitjen rreth orës 18:00. Mbërrija në shtëpi në dhjetë të darkës, ushqehesha, flija gjumë dhe të nesërmen bëra të njëjtën gjë.”
“Në fillim luajta për një klub që ishte gjysmë ore larg fshatin ku kam lindur në Basyoun, – tha sulmuesi. – Më pas firmosa për një klub në Tanta, që është një orë e gjysmë larg. Prej andej shkova te ‘Arab Contractors’ në Kairo, kështu që më duhej të udhëtoja 9 orë në ditë, katër orë e gjysmë vajtje, katër orë e gjysmë ardhje, për pesë ditë në javë, vetëm që të stërvitesha.”
Rrallë herë ka një futbollist i cili të ketë vazhduar paralelisht futbollin dhe shkollën, kjo gjë nuk ka ndodhur edhe me ish-yllin e Romës, i cili është detyruar ta lej shkollën në një moshë shumë të vogël.
“E lashë shkollën shumë i vogël që të merresha me stërvitjen. Në fillim shkova nga ora 07:00 deri në 09:00 sepse paraqitja një leje nga klubi që më lejonte të largohesha. Kjo dalë nga dalë u bë e pamundur. Por mendoj se tani gjithçka do të kishte vazhduar të ishte po aq e vështirë nëse nuk do të isha bërë futbollist.”
“Nuk mund t’ia u garantoj se kisha bindjen që do t’ia dilja, por që në moshën 14-vjeçare flija duke menduar se do të bëhem një ndër futbollistët më të mirë. Por ndoshta kjo është ëndrra e çdo 14-vjeçari…”
