Oficeri i Guardia Di Finanza, Alesandro Giuliani ka folur në një intervistë për median shqiptare , pasi ka deponuar në Gjykatën e Bolonjës për llogari dhe interes të drejtësisë shqiptare. Ai ka qenë në Shqipëri dhe rezulton se ka bashkëpunuar me Dritan Zaganin.
Në intervistë për Fax News Guiliani ka deklaruar se oficeri i antidrogës, Dritan Zagani, nuk rezulton të këtë lidhje me grupet kriminale, ndërsa theksoi se nuk ishte paguar nga shërbimet e huaja.
“Mund të them se erdha këtu se ma kërkuan bëhet fjalë për çëshje shqiptare, Zagani është miku im dhe për mua është një polic i mirë. Kur kam punuar me të, ka qenë një djalë i mirë. Nuk ëstë një personazh që është i lidhur me krimin. Absolutisht nuk është i lidhur apo paguar nga shërbime të tjera”-theksoi Giuliani.
Ai është pyetur për lidhjet e krimit me politikën në Shqipëri, ndërsa zgjodhi të mos fliste për një çështje të tillë.
“Nuk mund të flas për një çështje të tillë”, tha ai.
Deponimi i oficerit të GDF-së në Gjykatën e Bolonjës, lidhet me punën e tij në Shqipëri përgjatë viteve të qëndrimit në vendin tonë. Ai dyshohet të ketë lidhje me Zaganin dhe kanë lindur dyshime se ka lidhur me krimin, por edhe në lidhje me ndonjë pagesë të mundshme ndaj Dritan Zaganit për të marrë informacione e nevojshme. TIRANA TODAY.
