“El Clasico” do të mbajë firmën e Barcelonës këtë herë deri në përballjen e radhës mes këtyre dy klubeve. Janë katalanasit që dalin fitues nga “Santiago Bernabeu” me rezultatin e thellë 0-3, ku të gjithë golat u shënuan në pjesën e dytë. Ishte Suarez që hapi siparin e golave pak minuta pas startit të pjesë së dytë, më pas është Messi që dyfishon nga pika e bardhë e penalltisë dhe në fundin e takimit është Alex Vidal që shënon golin e nokautit. Me këtë fitore Barcelona shkon në kuotën e 45 pikëve ë majën e klasifikimit të La Ligas, ndërsa Real Madrid vetëm 31 pikë, një diferencë që nuk ishte vendosur kurrë më parë. Edhe pse madrilenët vitin që lamë pas kanë fituar shumë trofe këtë sezon paraqitjet e tyre kanë qenë për tu harruar.
Një pjesë e parë e dominuar totalisht nga djemtë e Zidane, me Ronaldon që gjen rrugën e rrjetës që në minutën e dytë, por arbitri akordon pozicion jashtë loje. Më pas bashkë me Benzema kërkojnë vazhdimisht golin, por Ter Steger është në një formë të jashtëzakonshme dhe nuk lejon topin të prekë rrjetën. Ndërsa sulmuesi francez ndalet dhe nga shtylla në fundin e pjesës së parë. Ndërsa Barcelona dha shumë pak shenja në të parën me Suarez dhe Paulinho, që testuan Navas. Pjesa e dytë është makth për madrilenët, pasi kishin kaluar vetëm 9’ minuta dhe Suarez gjen golin pas një kundërsulmi fantastik të projektuar nga Rakitic.
Vetëm 10’ minuta më vonë do të vijë dhe goli i dytë nga pika e bardhë e penalltisë nga këmbët e Lionel Messit. Mbrojtja madrilene është jashtë kontrolli, ku Carvajal bën rolin e Navas duke pritur me dorë topin që po shkonte drejt rrjetës dhe gjyqtari akordon karton të kuq.
Ndërsa në sekondat e fundit kishte vend edhe për një gol të tretë të shënuar nga Alex Vidal i sapo hedhur në fushën e lojës. Kjo ishte fitorja e tretë radhas në Bernabeu nga katalanasit dhe është një rekrd pasi nuk kishte ndodhur kurrë më parë.
