Më shumë se 100 njerëz kanë vdekur si pasojë e një stuhie tropikale që përfshiu Filipinet jugore, ndërsa dhjetëra të tjerë janë zhdukur. Stuhia Tembin solli përmbytje të papritura dhe rrëshqitje në pjesë të ndryshme të ishullit Mindanao.
Dy qytete që u goditën rëndë janë Tubod dhe Piagapo, ku një numër shtëpish u shkatërruan nga gurët. Tembin, me erëra deri në 80km/h, ka kaluar nëpër Mindanao dhe po shkon drejt majës jugore të Palawan para se të lëvizë më tej në perëndim, raporton Tirana Today.
Filipinet vuajnë rregullisht nga stuhitë vdekjeprurëse tropikale, megjithëse Mindanao nuk është goditur shpesh. Zyrtarët e menaxhimit të fatkeqësive thanë se kishte të paktën 62 viktima në Lanao del Norte, 46 të tjerë në Zamboanga del Norte dhe të paktën 18 në Lanao del Sur.
Zyrtari i policisë Tubod Gerry Parami tha për AFP-së se kishte pasur të paktën 19 të vdekur në qytet, në Lanao del Norte. “Lumi u ngrit dhe shumica e shtëpive u zhdukën. Fshati nuk është më atje”, tha ai.
Ai tha se vullnetarët po gërmonin nëpër baltë për të gjetur trupat në fshatin Dalama, ndërsa numri i viktimave pritet të rritet. Përshtati TIRANA TODAY
