Temperaturat në mëngjes janë mjaft të ulëta, teksa shënojnë minuta disa gradë.
Megjithatë, ne nuk mund të izolohemi në shtëpi për shkak të motit të keq, teksa në jetën e përditshme kemi angazhime të ndryshme.
Por, është me rëndësi që gjatë kontaktit me temperaturat e ulëta, ju të mbroni disa organe të trupit, nëse doni të shmangni prekjen nga sëmundje të ndryshme.
Konkretisht, duhet treguar kujdes me qafën, veshin, barkun e mesin, gjunjtë dhe këmbët.
Qafa është pjesa e trupit që mund të ekspozohet më kollaj, prandaj duhet të mbrohet nga të ftohtët. Në të kundërt do të prekeni më shpesh nga sëmundje të tilla si faringitet, apo sponteliatrozat. Prandaj, mos harroni të vini një shall kur dilni nga shtëpia për t’u mbrojtur nga i ftohti.
Veshi – aty ndodhen shumë pika që lidhen me organet e brendshme, edhe pse sipërfaqja e jashtme është e vogël. Zgjidhja është te masazhimi i veshit rreth 5 minuta në ditë, ose kur futeni nga jashtë në një ambient të ngrohtë, shkruan Shije.al.
Barku dhe mesi
Temperaturat e ftohta shkaktojnë probleme në dimër zakonisht edhe në zonën e barkut dhe të mesit, aty ku ndodhen veshkat. Duhet shumë kujdes për këtë pjesë të trupit dhe një prej zgjidhjeve është të fërkoni duart me njëratjetrën dhe të ngrohni belin, duke e përsëritur këtë veprim 50 herë në mëngjes dhe 50 herë në mbrëmje.
Gjunjët
Gjunjët janë gjithnjë të ekspozuar ndaj të ftohtit dhe lagështisë dhe këta faktorë mund të dobësojnë kyçet, duke sjellë sëmundjen e artritit.
Këmbët
Janë pjesa më e sulmuar nga i ftohti, sepse ndodhet në ekstremet e trupit dhe larg zemrës. Gjatë dimrit, futja e këmbëve në një enë me ujë të ngrohtë çdo ditë është një zgjidhje për t’i ngrohur dhe stimuluar qarkullimin e gjakut. Kohëzgjatja duhet të jetë 20 minuta dhe temperatura e ujit rreth 42 gradë.
