Protesta që u organizua dy ditë më parë nga opozita shqiptare ka marrë vëmendjen e mediave kombëtare e ndërkombëtare. Por, media ruse Sputnik në Serbi shkruan se konfliktet që po lindin në Shqipëri, ka gjasa që të shtrihen në të gjithë rajonin duke shkatërruar “paqen e vendosur”. 
Sipas medias ruse, Parlamenti shqiptar dy ditë më parë ishte më shumë një vend lufte sesa një institucion demokratik. Në drejtim të kryeministrit, Edi Rama, kryerja e Lëvizjes Socialiste për Integrim Monika Kryemadhi qëlloi me këpucë, ndërsa deputete e opozitë ndezën tymuese në sallën e Kuvendit. Udhëheqësi i PD-së, partisë më të madhe opozitare në Shqipëri, Lulzim Basha, e quajti protestën si “fillimi i një kryengritjeje popullore”, ku pati përplasje mes demonstruesve dhe policisë përpara Kuvendit, shkruan Tirana Today.
Arsyeja e protestës së organizuar nga opozita ishte emërimi i kryeprokurores së re të përkohshme, e cila duhet të luftojë krimin dhe lidhjet e trafikantëve të drogës me Shqipërinë, por edhe korrupsionin në radhë të politikanëve.
Duke pasur parasysh se Basha, paralajmëroi për protesta të reja në fillim të janarit, por edhe për “masa politike në Parlament”, pra pengimi i punës së këtij institucioni, përshtypja është se Shqipëria po përjeton një përplasje si ajo e vitit 1997 kur ndodhën konflikte të armatosura, sepse qeveria e atëhershme nuk mundi të luftojë korrupsionin e ngritur në një shkallë të lartë. Shumë nga konfliktet në Shqipëri lidhen me përshkallëzimin e konflikteve në Kosovë dhe Metohi.
Duke pasur parasysh këtë, nuk është e kotë të pyesësh nëse është e mundur që konfliktet e brendshme politike të Tiranës po përhapen në zona të tjera ku jetojnë shqiptarët? Ose se përplasja politike poshtë ligjit përdoret nga ekstremistët jashtë “mbretëreshës” (Shqipërisë) për të arritur qëllimet e tyre?
Demo Berisha, kryetari i shqiptarëve në Serbi, beson se një skenar i tillë nuk është i mundur, me shpjegimin se kjo është çështja e brendshme e Tiranës dhe se arsyeja për këtë konflikt erdhi nga nevoja e përgjithshme për të pastruar kriminelët të lidhur me prodhimin dhe trafikimin e lëndëve narkotike.
“Ajo që ndodhi në Kuvendin e Tiranës pritej, por duke pasur parasysh kontaktet që kam me bashkatdhetarët e mi në Maqedoni dhe në Mal të Zi dhe në Kosovë, protesta që Basha i thërret nuk mund të jetë përtej kufijve të Shqipërisë. Nëse ndodh janë atëherë i referohet shkatërrimit të autoritetit të Edi Ramës”, thotë Berisha.
Nëse konflikti i mundshëm nuk mund të shkojë përtej Shqipërisë, Berisha jep një garanci shtesë dhe faktin që në këtë vend shërbimet që operojnë aktualisht në Shqipëri janë shumë aktive për të pastruar kartelin narko dhe se ata nuk do të lejonin qe konflikti të përhapej përtej kufijve të Shqipërisë. Mundësia për e rënies së qeverisë Rama do të ngrinte në këmbë të gjithë nacionalistët edhe jashtë trojeve shqiptare për të mbështetur kryeministrin, por një situatë e tillë do të ishte dhe në favor të Berishës, “i cili nuk pi ujë më’ sikundër thotë korpusi shqiptar jashtë Shqipërisë. Ndërsa në lojë janë Basha dhe Rama që kanë të njëjtin qëllim, për futjen e Shqipërisë në Bashkimit Evropian.
“Marrëdhëniet midis Kosovës dhe Shqipërisë, që janë të gjitha nën pushtetin e Tiranës, do të shkojnë në një linjë ngjitëse që është vendosur për një bashkim të mundshëm mes tyre”, tha Damo Berisha.
Dushan Janjiç nga Forumi i Marrëdhënieve Etnike është gjerësisht në pajtim me opinionin e Berishës, por shton se në rrethana të caktuara, konfliktet në Tiranë mund të ndikojnë edhe në fusha të tjera. Janjiq thotë se Rama me sa duket, duke u ndiere i kërcënuar për “përmbysjen e pushtetit” të tij, filloi të shantazhojë BE në mënyra të ndryshme me deklaratat e tij një vit e gjysmë më parë, duke iu nënshtruar nacionalizmit rajonal.
“Prandaj, për atë mbështetje nacionaliste dhe për atë pjesë të shqiptarëve në rajon që ëndërrojnë bashkimin me Shqipërinë, Berisha dhe Rama do të luftojnë për të njëjtën gjë,” tha i bindur Janjiç.
Edhe pse ai nuk mendon se ekziston një shans i madh për një konflikt serioz brenda Shqipërisë, Janjiq vazhdon të jetë paralel me ngjarjet e vitit 1997. Ai kujton se në atë kohë Shqipëria u rrëzua nga brenda, dhe e gjithë kjo më pas u derdh në Kosovë dhe Metohi. Politikanët e sotëm nga Tirana, sipas mendimit të tij, do të përpiqen të parandalojnë rrënimin e Shqipërisë nga brenda duke luajtur në hartën e nacionalizmit rajonal.
“Por ky aktivizim rajonal nuk mund të bëhet nga vetë Shqipëria, por mund të ketë sukses vetëm nëse ka ndodhur ose ka koinciduar me disa procese të tjera dhe një prej tyre mund të jetë aktivizimi i çështjes së Sanxhakut apo Serbisë jugore. Rëndësi, pasi kjo mund të çojë në destabilizimin e Malit të Zi,” thotë Janjić.
Këpucët që fluturuan në drejtim të Edi Ramit, nga kryetarja e partisë që ka pasur një koalicion prej 4 vjetësh, tregon që Edi Rama nuk gëzon të njëjtin popullaritet si dy vite më parë pasi ai ka ndihmuar vetëm të pasurit që janë bërë akoma më të pasur nën mbështetjen e Partisë Socialiste,
Situata e vështirë sociale në Shqipëri, si dhe lobi i fortë kriminal që i kthehet udhëheqjes shtetërore dhe pozitës dhe opozitës, me mbështetjen e grupeve kriminale jashtë kufijve të Shqipërisë, nuk është diçka që duhet injoruar, veçanërisht nëse është mbajtur parasysh se si Rama dhe Basha kanë marrëdhëniet e tyre private me udhëheqësit e Kosovës, të cilët ende kontrollojnë shumicën e veprimeve të paligjshme në Kosovë. Varësisht se sa do të jenë të gatshëm për të ruajtur bizneset e tyre nën flamurin e nacionalizmit, varet paqja në rajon. TIRANA TODAY
