Tensionet midis dy vendeve, Greqisë dhe Shqipërisë, kanë vazhduar prej vitesh, por bashkëpunimi i tyre gjithashtu ka qenë i gjerë duke bërë të mundur që turizmi të përfitojë në mënyrë të konsiderueshme. Në janar ministri i jashtëm grek Nikos Kotzias do të vijë në Shqipëri, në një raund të dytë negociatash me palën shqiptare për çështjet e lëna pezull në Kretë. Sipas mediave greke “takimi i radhës me Ministrin e Jashtëm shqiptar, z. Ditmir Bushati, do të mbahet më 19 dhe 20 janar 2018 në Korçë”, shkruan ornosnews.gr.
Por, një ditë më parë ministri i Jashtëm i Greqisë Nikos Kotzias foli për situatën në zhvillim të Shqipëri dhe vazhdimin e negociatave, duke thënë: “Kam optimizëm të rezervuar që ne do t’i përfundojmë përpjekjet tona gjatë takimit tonë në Korçë. Unë besoj se të dyja palët kanë një vullnet pozitiv “. Por, pas takimit me Komisionerin e Zgjerimit të z. Hahn, Kotzias shtoi: “I fola dhe Hahn, për takimin qe pata me ministrin e Jashtëm Bushati në Kretë. Me Komisionerin, ne ramë dakord që Shqipëria duhet të përmbushë të gjitha kriteret para fillimit të bisedimeve të pranimit”.
Ndërsa komisioneri i BE-së Johannes Hahn ka dërguar një mesazh të qartë për Evropën nga Greqia. Teksa ka zhvilluar takime më zyrtarët vendas, Johannes Hahn ka prekur edhe çështjen e negociatave për anëtarësimin në BE të vendeve të Ballkanit Perëndimor.
Ai u shpreh i vendosur për të hapur negociatat sa me shpejt me Shqipërinë dhe Maqedoninë. “Bashkimi Evropian ka shume pak influencë në vendet e Ballkanit përpara hapjes se negociatave. Por do të kemi shumë influencë gjatë negociatave. Prandaj jam kaq i vendosur për të hapur negociatat sa me shpejt me Shqipërinë dhe Maqedoninë” tha komisioneri Hahn.
Debati, siç thuhet nga Kotzias, ishte i gjerë dhe shqetësues për perspektivat e zgjerimit të BE, për të cilën ai theksoi, edhe një herë, se çdo zgjerimi duhet të sigurojë zbatimin e kushteve të përcaktuara nga Këshilli i Ministrave të Jashtëm të BE-së, dhe gjithashtu theksoi nevojën për të zbatuar një sërë reformash dhe ka shprehur edhe një herë mbështetjen dhe kontributin e Greqisë për të zbatuar integrimin e tyre në masë.
Ndërkohë më parë ministri shqiptar Ditmir Bushati është shprehur se: “Ne kemi shtruar të gjitha çështjet që datojnë që nga Lufta e Dytë Botërore deri në ditët e sotme. Besoj se jemi në një rrugë më të mirë seç kemi qenë. Do të ketë një raund tjetër në janar, këtë herë në Shqipëri, ku ne do të vazhdojmë mbi ato diskutime që kemi bërë, sidomos gjatë takimit të fundit në Kretë”.
I pyetur se cilat janë çështjet konkrete të cilat po diskutohen, Bushati përmend marrëveshjen për detin dhe pengesat kufitare. “Besoj se është krejt e qartë për opinionin publik që po diskutohen çështjet e një natyre historike mbartin një lloj sensibiliteti të caktuar për palët, sikundër çështjet që kanë të bëjnë me delimitimin e shelfit dhe zonës ekskluzive ekonomike, apo një përcaktim më të mirë të gjithë regjimit kufitar, që duhet të ekzistojë ndërmjet Shqipërisë dhe Greqisë, është një çështje që kërkon një vëmendje të posaçme nga të dyja palët dhe ne po përpiqemi për të punuar në këtë drejtim”-tha Bushati. TIRANA TODAY
