Policia e Gjirokastrës mbështetur nga “Shqiponjat” kanë arrestuar dy persona të kërkuar. Policia bën me dije se në pranga kanë vënë shtetasit Ledion (Koka) Selimi dhe Edison Miçi, pasi ishin shpallur në kërkim për veprën penale “Prodhim dhe shitje e lëndëve narkotike”.
Njoftimi i policisë
Seksioni i Hetimit të Narkotikëve në D.V.P Gjirokastër në bashkëpunim me Forcat e Posaçme “SHQIPONJA”, pas një pune të mirëorganizuar është bërë kapja e shtetasit të shpallur në kërkim Ledion (Koka) Selimi, 30 vjeç, banues në Memaliaj pasi Gjykata e Shkallës së Parë Korçë me vendim nr.41-2014-4300 (814) datë 18.12.2014, e ka dënuar me 8 (tetë) vite burg për veprën penale “Prodhim dhe shitje e lëndëve narkotike”.
Ne pranga u vu dhe Edison Miçi, 22 vjeç, banues në fshatin Kodër, Tepelenë, pasi Gjykata e Shkallës së Parë Gjirokastër me vendim nr nr. 21-2017-494/92, datë 23.03.2017, ka caktuar masën e sigurisë “Arrest në burg”, për veprën penale “Prodhim dhe shitje e lëndëve narkotike”.
Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
