Çështja e emrit duhet të zgjidhet sa më shpejt, megjithatë ajo nuk do të vijë vetvetiu. Kështu ka deklaruar Malinka Ristevska-Jordanovska nga Instituti për Politika Evropiane, e cila shtoi më tej se kjo çështje duhet zgjidhur brenda viti 2018.
“Nëse na ikën edhe 2018-ta, atëherë mbetemi ishull, prandaj duhet të bëhet gjithçka që të zgjidhet çështja e emrit”, tha ndër të tjera Malinka Ristevska-Jordanovska, duke dhënë ultimatumin për zhvillimin e bisedimeve në cështjen e emrit bashkë me Greqinë.
Në deklaratën për agjencinë e lajmeve AIM, Jordanovska tha se klima është përmirësuar dhe vendi është kthyer në drejtim të reformave, duke shtuar se zgjidhja duhet të jetë e pranueshme edhe për Maqedoninë.
