Një studim i bërë së fundmi ka dalë në përfundimin se personat që rrinë deri vonë zgjuar dhe ngrihen më vonë në mëngjes janë persona më inteligjentë.
Por, sa orë është mirë të flemë?
Sigurisht, të flesh më shumë se 8 orë nuk është e sugjerueshme, madje është e dëmshme për shëndetin tuaj. Por, duket se edhe e kundërta e saj shkakton probleme goxha të mëdha.
Personat që flenë vetëm 6 orë dhe më pas mundohen ta rikuperojnë mungesën me 10 orë gjumë ditën tjetër, bëjnë gabim pasi kjo nuk vlen.
Sipas një studimi të kryer nga “Beth Israel Deaconess Medical Center” në Boston, debiti kronik i gjumit shkakton dëmtime në qelizat e trurit te quajtura adenosina.
“Jemi të gjithë në aktivitete të zgjatura, madje edhe fëmijët dhe kjo ndikon në gjumin që bëjmë, duke akumuluar një borxh kronik”, thuhet në studim.
Gjatë momentit të gjumit truri riorganizon të gjitha informacionet, por deri tani nuk dihej ndryshimi mes një nate të vetme pa gjumë dhe prishjes së gjumit në vazhdimësi.
