Një polic i sapo rekrutuar në San Fracisco ka qëlluar për vdekje një grabitës makinash, i cili në momentin e vjedhjes nuk kishte armë me vete.Policia e San Francisco-s ka publikuar pamjet e filmuara nga kamerat e sigurisë në rrugë me datë 1 dhjetor dhe me kamerat e vendosura në veshjet e efektivëve të policisë.
Në pamje dallohet viktima Keita ‘Icky’ O’Neil që hidhet nga një makinë e vjedhur dhe fillon të vrapojë larg makinës së policisë.
Gjatë këtij momenti efektivi i policisë, i cili kishte vetëm katër ditë që ishte rekrutuar në pjesën e policisë, ka qëlluar në drejtim të 42-vjeçarit, duke e plagosur rëndë, por për shkak të plagëve të marra ai ka humbur jetën.
