Europarlamentari Eduard Kukan tha sot se BE-ja do të ndihmojë Shqipërinë me reformat, por procesin do ta kryejnë shqiptarët. Kukan deklaroi se në Bruksel ka vlerësime pozitive për arritjet e Shqipërisë. Ai tha rekomandimet se reformat e nisura duhet të vazhdojnë dhe se PE po përpiqet për çeljen e negociatave.
“Po përpiqemi për çeljen e negociatave. Reformat e nisura duhet të vazhdojnë. Siç e kam thënë shpesh, BE do të ndihmojë, por ju jeni ata që do ta kryeni procesin”, deklaroi Kukan.
Deklarata e Kukan u bë gjatë takimit me ministri i Brendshëm, Fatmir Xhafaj i cili falenderoi eurodeputetin për ndihmën e dhënë për reformën në drejtësi. Ministri theksoi se implementimi mbetet një proces shumë i rëndësishëm.
Në Bruksel ka pasur disa vizita të vizita politikanëve shqiptar, mazhoranca kërkon hapjen e negociatave për integrimin në BE. Ndërsa pozita kërkon formimin e një qeverie të re antimafia.
