Dita e sotme ka nisur me diell, por duket se me kalimin e orëve do të kemi një ndryshim të temperaturave.
Sipas Meteoalb, gjatë pasdites do të nisin reshjet e shiut edhe në zonat Qendrore-Jugore, ndërsa nata pritet të shënojë reshje bore në Veri dhe Lindje të vendit.
Parashikimi i Meteoalb
E DIEL: Vranësira e reshje të shpeshta do të ketë në Veri por zonat Jugore dhe pjesërisht Qendra, mbeten me kthjellime dhe vranësira kalimtare. Pasditja sjell gradualisht shira edhe në zonat Qendrore – Jugore. Në këto kushte mbetemi edhe gjatë natës kur priten edhe reshje dëbore në Veri dhe Lindje të vendit. Temperaturat e ajrit rriten lehtë në mëngjes por mbeten thuajse konstante gjatë mesditës.
