Arsenal është mposhtur nga gjermanët e Koln në ndeshjen e vlefshme për fazën e grupeve në Europa League. Por edhe pse janë mposhtur “topçinjtë”, kanë siguruar kalimin nga faza e grupeve, pasi Crvena Zvezda nuk ka arritur më shumë se një barazim përballë BATe-s.
Marseille ka barazuar në sekondat e fundit përballë turqve të Konyaspor, pasi vendasit kishin shënuar me anë të një 11-metërshi, të shkaktuar nga Amavi në të 80’-ën. Me këtë barazim francezët mbajnë vendi e dytë dhe kanë shanse të kalojnë fazën e grupeve. Ndërsa Nice e Balotellit ka arritur të mposhtë 3-0, Waregem-in e Olyainkes. Ka qenë sulmuesi italian që ka shënuar dy herë në pjesën e parë dhe i ka siguruar vendin e dytë, që i jep mundësinë të vazhdojë më tutje në Europa League.
Ndërsa italianët e Lazio që ishin të kualifikuar, pas barazimit me Vitesse, kanë arritur të sigurojnë edhe vendin e parë në grup. Janë shënuar dy gola mjaft të bukur në këtë sfidë, ku fillimisht kanë qenë holandezët që kanë kaluar në avantazh me anë të një goditje dënimi të goditur nga Linssen. Në fundin e pjesë së parë është zbulimi më i ri i Lazios, braziliani Luis Alberto që ka barazuar shifrat me një gol mjaft të bukur dhe fiksoi shifrat përfundimtare të takimit.
Rezultatet e të gjitha ndeshjeve:
