Chelsea do të kërkojë të sigurojë kualifikimin në ndeshjen e sotme të orës 18:00 përballë Qarabag të Ansi Agollit. Butë e Londrës kanë 7 pikë dhe do të shpresojnë tek një rezultat që i favorizon ata në përballjen tjetër të grupit C, mes Atl.Madrid dhe Romës, për të marrë vendin e parë. Në ndeshje e parë në “Stamford Bridge”, djemtë e Contes e shkatërruan Qarabagun me një rezultat të thellë 6-0 dhe kjo të bën të kuptosh që do të jetë një sfidë mjaft e lehtë për ta.
Por duke parë performancat që ka bërë Qarabag në dy ndeshjet përballë Atletikos, të bën të kuptosh që është një ekip i fortë që mund të surprizojë, pasi do të kërkojë të mbajë vendin e tretë për të qenë pjesë e Europa League. Azerët arritën ti mbanin dy barazime Atletikos së Simeones, 0-0 në Baku dhe 1-1 në Madrid duke i shuar shpresat për të kaluar grupin e Champions League. Ansi Agolli do ta startojë këtë sfidë nga fillimi për ti dhënë ndihmë ekipit të tij për të befasuar blutë e Londrës dhe të shpresojnë për një vend në Europa League.
Sfida tjetër e orës 18:00, do të jetë ajo e grupit A, ku CSKA e Moskës do të presë Benfikën në Rusi, për të rritur shanset për vendin e dytë. Për rusët është detyrim fitorja në këtë sfidë, pasi Basel që ka pikë të barabarta me ta, do të presë Manchester United dhe me shumë shanse nuk do të marrë pikë nga kjo sfidë.
