Marcelo Lippi është akuzuar se Ventura e tij në pankinën e kombëtares italiane ka qenë zgjedhja e tij, nga tashmë ish-presidenti i FIGC, Tavecchio. Por i menjëhershëm ka qenë reagimi i Lippit sa i përket këtyre akuzave, duke treguar se si cili ka qenëroli i tij në kombëtare dhe kush bënte zgjedhjen e trajnerëve. Lippi ka drejtuar Italinë në suksesin e fundit në Botëror, në 2006-ën e largët ai arriti të ngrejë trofeun e tretë për kombëtaren italiane. Ndërsa tashmë Lippi ka marrë në drejtim përfaqësuesen e kinës, pas një eksperience të shkurtër që pati në ligën kineze me ekipin e Guangzhou Evergrande.
/arc-anglerfish-arc2-prod-expressandstar-mna.s3.amazonaws.com/public/4EJ7TIUX65B5JNHYSSFGNIQYRU.jpg)
“Prej dy ditësh po flitet për mua dhe po më ngarkojnë disa përgjegjësi jo të miat. Dje ishte Malago, ndërsa sot Tavecchio, që gënjyen kur thanë se Venturën e kisha zgjedhur unë. Në procedurën e përzgjedhjes së teknikut të ri, unë realizova takime me Montellën, Venturën dhe Gasperinin. Më pas shkova në zyrën e Tavecchios dhe i shpjegova përparësitë e të 3-ve, sipas pikëpamjes time, ndërsa i theksova se vendimi final i takonte atij. Në përfundim të fjalës time, Tavecchio më tha se do zgjedhë Venturën, sepse ka me shumë eksperiencë dhe i duket më i përshtatshëm”, tregoi Lippi.
Ish tekniku i Italisë kampione bote, tregoi edhe një përplasje tjetër që pati me ish presidentin e Federatës Italiane të Futbollit, Carlos Tavecchion.
“Unë kisha një parakontratë me Tavecchion, që të punoja si menaxher i ekipit kombëtar, ndërsa 1 vit më herët, vetë Tavecchio kishte përfshirë një rregullore ku thuhej se nuk mund të punonte në role drejtuese pranë kombëtares, asnjë person që kishte lidhje familjare me menaxherët e futbollit. Djali im është i njohur prej kohësh si menaxher futbollistësh e trajnerësh dhe Tavecchio e dinte mirë këtë fakt, ashtu si edhe rregulloren e miratuar vetë, ndaj nuk kishte pse të sillej ashtu me mua”, u shpreh Marcelo Lippi.
