Kur investitorët duan të japin para borxh, agjencitë e vlerësimit të riskut të kreditit janë pjesa më e specializuar e tregut për mënyrën sesi paraqesin një vend para tyre.
Së fundmi, kompania “Euler Hermes” ka bërë vlerësimin e saj për riskun e vendeve në tremujorin e tretë të vitit, ku Shqipëria është një ndër vendet me faktorë problematikë dhe që vlerësohet me ngjyrë të kuqe.
Ndërkohë “Eurel Hermes” është kompania e sigurimit të kredisë që ofron një gamë të gjerë të bonove, garancive dhe shërbimeve të mbledhjes së arkëtimeve “business-to-business”, që ka një operim të gjerë në tregun global të mbështetur nga Allianz.
Nga ky vlerësim i riskut, ndër vendet e rajonit me ngjyrë të kuqe është vetëm Shqipëria dhe Bosnjë-Hercegovina. Po kështu këto dy shtete mbeten të vetmet në Europë me këtë nivel klasifikimi.
“Euler Hermes” shpjegon se në terma afatmesëm vlerësimi është me shkronjën D që i përgjigjet një vlerësimi dukshëm të ulët dhe që përcjell pasiguri të mëdha tek investitorët. Ndërsa në terma afatshkurtër, risku i bendit kategorizohet me numrin 4 që do të thotë “RISK i lartë”.
Në faqen e saj zyrtare, kompania shpjegon se “metodologjia e tyre bazohet në mbledhjen e informacionit mbi renditjen makroekonomike”. Pra analiza e strukturës së ekonomisë, pjesa buxhetore, politika monetare, borxhi publik si dhe gjasat për një destabilizim politik.
Sipas “Euler Hermes”, një tjetër tregues i marrë në vlerësim është mjedisi strukturor ku operon biznesi që mat perceptimin e biznesit mbi mbrojtjen ligjore si dhe luftën ndaj korrupsionit.
Dhe së fundmi bëhet një ndarje më vete për riskun politik që merr parasysh përqendrimin e pushtetit, efektivitetin e politikëbërjes si dhe pavarësinë e institucioneve që duhet të funksionojnë si të tilla.
Shqipëria në zonën problematike nga vlerësuesit e riskut, ja 3 faktorët ndikues by Tirana Today on Scribd
Shqipëria në zonën problematike nga vlerësuesit e riskut, ja 3 faktorët ndikues by Tirana Today on Scribd
