Partizani pash shkarkimit të stafit teknik italian me në krye Mark Iulianon dhe zëvendësimin e tij me Sulejman Starovën është rikthyer të ketë një identitet më të fortë në fushën e lojës. Është rikthyer një Partizan i fortë, por më e rëndësishme është që ka filluar të duket në fushë. Lucciano Moggi i ftuar në Rubrika Sportive në RTSH, ka komentuar situatën që po kalon ekipi dhe çfarë ka ndryshuar nga faza e parë me italianët.
“Iuliano është një profesionist por e kishte të vështirë të ambientohet me futbollin shqiptarë dhe kjo e dënoi atë që të mos arrinte rezultatet e duhura. Kjo gjë është ndryshe tek Starova, i cili e njeh mjaft mirë kampionatin dhe filozofinë që duhet ndjekur. Më vjen mirë që Partizani është duke u parë në fushë dhe po fillon të bindë”, shprehet drejtori sportiv i Partizanit.
Mungesat më të mëdha që ka Partizani janë në sulm, pasi pjesa tjetër e ekipit është e kompletuar. Të kuqë kanë Edgar Çanin në radhët e tyre, por që vuan një dëmtim dhe nuk ka arritur të japë në fushë atë që pritet. Po ashtu edhe Basrak është një sulmues i afruar këtë verë dhe por që nuk është preferuar të hidhet në fushën e lojës.
“Sa i përket Çanit ne po presim që të rikuperohet dhe të na ndihmojë në fushë, por nuk mund të presim shumë. Nuk është faji im që ai është i dëmtuar edhe që ndoshta ka qenë para se të mbërrijë këtu. Janë mjekët që bëjnë testet që mbajnë përgjegjësi për këtë punë, ne i blejmë lojtarët pasi na konfirmon infermieria. Ndërsa për Basrak nuk kam dëshirë të komentoj asgjë, pasi nuk e kam sjellë un atë lojtarë, ishte preferencë e Iulianos”, është shprehur Moggi.
