Gazetari Ylli Rakipi tha sonte se ndërkombëtarët na kanë lënë në mëshirë të fatit, nuk kanë asnjë agjendë për Shqipërinë dhe heshtën për kanabisin. I ftuar në rubrikën “Opinion” Rakipi deklaroi se perëndimorët e “ndihmuan” në mënyrën më të keqe të mundshme Shqipërinë, duke heshtur.
Rakipi: Në të gjithë këtë kanabizim në qendër të Evropës, ndodh një gjë që la të heshtur edhe perëndimorët. Pse ata e kanë marrë një vendim. Shqipëria nuk është në agjendën e ndërkombëtare për ta rregulluar, jo vetëm Shqipëria por edhe Ballkani. Vendet si Shqipëria nuk janë në interesin e perëndimit, këtu duhet më shumë stabilitet. Duke mos e pasur në fokus Shqipërinë, atëherë e kanë lënë në mëshirën e fatit dhe kanë heshtur për kanabisin. Kanë harruar që ky kanabis që u mboll u kthye në biznes. E kanë ndihmuar Shqipërinë me mënyrën më të keqe në botë, duke heshtur.
Është për t’u lëshuar një sinjal ndërkombëtarëve. Bizneset nuk vijnë këtu që të fitojë Rama, vijnë që të fitojnë vetë. Ai i lëshon një sinjal të fortë, për t’i pyetur se çfarë do bëhet me Shqipërinë. Se Perëndimi nuk e ka ndihmuar asnjëherë Shqipërinë. Nuk pati ndonjë plan. Edhe Perëndimi është fajtor i kësaj situate, se ai do vetëm stabilitet, që në kohën e Berishës.
