Derbi i kryeqytetit italian do të mbajë firmën e Romës, e cila triumfoi përballë Lazios me rezultatin e ngushtë 2-1. Një ndeshje e luftuar shumë fort dhe me duele mjaft të zjarrta. Nga një pjesë e parë që të dyja ekipet ishin të kujdesshme dhe nuk kërkonin të rrezikonin shumë pjesa e dytë ishte komplet tjetër. Pasi Roma hidhet në sulm dhe arrin të shënojë dy gola në minutat e para të së dytës me Perrotin dhe Nainggolan. Më pas është Immobile që shkurton diferencën, por që nuk arrijnë më shumë, pasi djemtë e di Francescos e mbrojnë mjaft mirë rezultatin deri në fundin e takimit.
Goli i parë vjen në minutën e 49’ nga pika e bardhë e penaltisë, e cila ekzekutohet nga Perroti dhe nuk gabon përballë Strakoshës. Edhe pse ky i fundit arrin ti kuptojë krahun, nuk mundet që ta ndalë atë goditje të fortë.
Ndërsa 4’ minuta më vonë është Nainggolan që dyfishon rezultatin pas një gabimi nga Bastos. Belgu del në një pozicion të prirët për të goditu me të manjtën, këmbën e tij të preferuar dhe nuk gabon, por e dërgon topin në cepin e portës me mjaft forcë.
Në minutën e 72’ pas një krosimi të hedhur në zonë, Manolas devijon topin me dorë në goditje këndi. Fillimisht arbitri vendos për një goditje këndi, por pasi këshillohet nga asistentët dhe shikon pamjet e VAR vendos që të ekzekutohet 11-metërshi.
Është Immobile që merr përsipër ekzekutimin e kësaj penalltie dhe e dërgon topin në rrjetë duke mposhtur portierin brazilian Alison. Ky i fundit e kupton krahun por e kishte të pamundur ta ndalte atë top. Immobile vinte nga një dëmtim, por kur bëhet fjalë për derbi, ai ishte treguar i gatshëm të sakrifikohej.
Ky nuk ishte Lazio më i mirë që kemi parë në këto javë të para, pasi ka hasur disa vështirësi në organizimin e lojës dhe Inzaghi kishte paralajmëruar se dëmtimet do ti prishin skemën e lojës. Gjyqytari i ndeshjes është detyruar të nxjerrë nga xhepi gjashtë herë kartonin e verdhë dhe si rrallë herë asnjë nga lojtarët nuk është përjashtuar me karton të kuq. Roma e administroi mjaft mirë rezultatin pasi pësoi gol dhe arriti ta mbyllë me fitore, duke parakaluar Lacion në tabelën e klasifikimit dhe barazohet me Interin përkohësisht. Pikante në këtë ndeshje ishte se pasi Immobile shënon gol, zhduken nga rrethimi i fushës personat që janë përgjegjës për të afruar topin në rastet kur del jashtë dhe kjo ka bërë që të vonohet disi loja. /TIRANA TODAY/
