Gjykata e Krimeve të Rënda ka rrezuar sot kërkesën që kishte Mikel Shallari nëpërmjet avokatit të tij Vladimir Ciapi, ku kishte kërkuar rivlerësimin e masës së sigurisë nga “arrest me burg”, në “detyrim paraqitje”.
Gjykata e Krimeve të Rënda ka lënë në fuqi masën ‘arrest me burg’, ndaj Mikel Shallarit. Shallari ka pranuar vrasjen dhe ka thënë se ka qenë i paguar për këtë nga disa persona nga Jugu i vendit, ka kërkuar detyrim paraqitje.
Papritur duke kërkuar të rrëzohen provat e marra ndaj tij jashtë afatit, avokati i tij kërkoi që seanca të zhvillohej pa media, pasi sipas ti rrezikohet jeta e Shallarit.
Procesi është akoma në fazat e hetimeve paraprake. Shallari është shfaqur i tensionuar në gjyq, duke lëvizur shpesh këmbët, shenja që tregojnë ankthin në të cilin ai ndodhet.
Iakuzuari për vrasjen e komisarit Artan Cuku ka ndryshuar befas dëshmi dhe kërkon që të lirohet. Burimet thonë se Mikel Shallari pretendon se ndaj tij nuk ka prova për vrasjen e kryer dhe se ai po mbahet pa arsye në paraburgim. Kjo kthesë e tij në dëshmi bie ndesh me atë që ka thënë para hetuesve për vrasjen e bujshme që ka ndodhur më 8 prill të këtij viti, ku komisari u ekzekutua në hyrjen e pallatit ku banonte.
Shallari mësohet të ketë thënë para hetuesve se ai i kishte takuar porositësit e atentatit ndaj Artan Cukut përmes një të afërmi të tij. Sipas Shallarit, i afërmi i kishte thënë se porositësit ishin nga Jugu i Shqipërisë dhe se kërkonin dikë që nuk kishte probleme me ligjin, në mënyrë që të mos kapej.
Shallari ka thënë se takimin me porositësit e kishte kryer në një lokal në Tiranë dhe se personi që ofronte paratë për vrasjen e kishte kërcënuar dhe urdhëruar që të mos ia shihte fytyrën.
