Kryeministri Edi Rama ka prezantuar sot në Kuvend projektbuxhetin 2018.
Sipas tij, synimi i qeverisë është rritja e ekonomisë, teksa përmendi përmirësimin e bilancit të shkëmbimeve tregtare, rritjen e ekonomisë shqiptare në pragun 4%, apo rritjen e investimeve me afro 13%, si dhe të investimeve të huaja me 18%.
Kryeministri tha se buxheti do të financojë një ulje të borxhit publik, do të rritet punësimi, ndërsa theksoi rritjen e buxhetit për sektorë të ndryshëm, duke e përmbyllur me zotimin se ky buxhet nuk rrit taksa, por lehtëson familjet në nevojë.
FJALA E RAMËS:
Mandati i ri do të fokusohet te shtetbërja, punësimi dhe mirëqenia. Dokumenti i projektbuxhetit nis me nismën që ekonomia shqiptare do të rritet dukshëm, kemi prekur kufirin e 4%-shit.
I ndjeshëm është përmirësimi i bilancit të shkëmbimeve tregtare. Importet rezultojnë me një rritje prej 6.3%.
Investimet u rritën me afro 13% edhe investimet e huaja në 3 mujorin e parë të vitit kanë shënuar një rritje pozitive prej 18% krahasuar me një vit më parë.
Në gjysmën e parë të vitit kemi një rritje të punësisë, shkalla e papunësisë vijon në trendin rënës.
Këto shifra nuk duan të thonë se njerëzit duhet të ndjehen të lumtur apo të duartrokasin qeverinë, në s’jemi të lumtur sepse duam shumë më tepër.
Këtë e tregon në krye të herës shifra e rritjes së të ardhurave në buxhetin e 2018. Buxheti do të financojë një ulje të borxhit publik. Trendi rënës do të vazhdojë të theksohet duke u reduktuar në 2.5%.
Rrugët kombëtare të vendit me standarde të certifikueshme të nivelit evropian, kjo do sjellë rritje të punësimit.
Arsimi dhe shëndetësia – fluks investimesh që nuk e kanë pasur më parë. Buxheti ia arsimit 10% më i lartë krahasuar me buxhetin e këtij viti, i shëndetësisë 5% më i lartë.
Bujqësia 15% buxhet më të lartë se ky vit.
Turizmi 6% buxhet më shumë se në këtë vit.
Ky buxhet nuk rrit taksa, por lehtëson familjet në nevojë!
