Italia nuk do të jetë pjesë e Botërorit “Rusi 2018” dhe ky është një dështim mjaft i madh për të gjithë vendin. Por kreu i pankinës, Gianpiero Ventura që i udhëhoqi në këtë dështim ka bërë një deklaratë bombë ku thotë se ai është ndër trajnerët më të mirë që ka pasur Italia në 40 vitet e fundit. Kjo duket një çmenduri kur e dëgjon nga personi që nuk arriti ta dërgojë kombëtaren në kompeticionin më të rëndësishëm të futbollit.
[ngg_images source=”galleries” container_ids=”591″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
“Botërori pa Italinë? Po, do të jetë i shëmtuar, por unë çfarë mund të bëj? Për fat të keq, nuk u kualifikuam. E kam thënë edhe më parë, u kërkoj falje të gjithë italianëve për rezultatin sportiv. Statistikat e mia janë janë më të mirat e 40 viteve të fundit, kam humbur vetëm 2 ndeshje në dy vjet.”
Në të vërtet janë 3 humbje, 9 fitore dhe 4 barazime, sepse, përveç disfatës 3-0 në “Bernabeu” me Spanjën dhe humbjes 1-0 në ndeshjen play off me Suedinë, është edhe dështimi 1-3 me Francën në miqësoren e zhvilluar në Bari në debutimin e tij në krye të Kombëtares.
“Kam shkruar historinë në njëfarë mënyrë? Për fat të keq, po! A do të dorëhiqem? Po”, përfundoi Ventura.
