Një aksident i rëndë ka ndodhur në aksin Elbasan -Tiranë, ku një automjet i tonazhit të rëndë ka përfunduar në greminë. Ngjarja ka ndodhur në orët e vona të natës, 50 metra në dalje të tunelit të Krrabës.
Automjeti pasi ka dalë nga rruga në një kthesë, ka shkatërruar mbrojtëset dhe është rrokullisur 15-20 metra në greminë i përmbysur, ku për pasojë është plagosur rëndë një person.
Mësohet se automjeti i përmbysur është shkatërruar plotësisht, ku është kërkuar ndihma e shërbimit zjarrfikës për lëvizjen dhe manovrimin e tij.
Policia po punon për zbardhjen e plotë të shkaqeve të aksidentit, ndërsa dyshohet se humbja e drejtimit të automjetit ka ndodhur për shkak të lagështirës në rrugë dhe motit të keq.
