Deputeti i PD-së, Ervin Salianji ka reaguar pas debateve në Komisionin Parlamentar të Sigurisë me deputetët socialistë.
Në një deklaratë për mediat, Salianji deklaroi se është kërcënuar nga nga një deputet i mazhorancës që ai të mos thoshte të vërtetën.
“Pjerin Ndreu, deputeti i PS më kërcënoi që të mos them të vërtetën duke menduar se do më frikësonte për të mos thënë të vërtetat nga frika dhe lepuri që ka në bark dhe kapja që iu kanë bërë ndërkombëtarët në krim, drogë e grupet kriminale. Ta harrojë që banditë me ose pa pushtet do i mbyllë gojën opozitës. Nuk kam pasur frikë kur kam hyrë në mes të pacelave me kanabis, e jo më nga njerëz qesharakë.
Sot ishte një fakt tjetër i provuar i asaj që kemi thënë prej vitesh, që Rama fle me krimin, që banditët i ka futur në Parlament dhe me ta qeveris. Nuk kam frikë nga kërcënimet, opozitës nuk i mbyllet goja”, tha Salianji.
