Një princ i Arabisë Saudite ka humbur jetën, pasi helikopteri me të cilin udhëtonte është rrëzuar. Mësohet se princi që humbi jetën në aksidentin ajror është Mansour bin Muqrin, zëvendës guvernatorit të provincës Asir.
Helikopteri i tij u rrëzua pranë kufirit jugor të mbretërisë me Jemenin, ndërsa kanë ndërruar jetë edhe disa zyrtarë që udhëtonin me princin.
Grupi besohet se po kryente një fluturim inspektimi, kur helikopteri është rrëzuar.
Ende nuk ka të dhëna për numrin e saktë të viktimave dhe nuk dihen as shkaqet e rrëzimit të helikopterit, ndërsa autoritetet kanë nisur hetimet.
Princi ishte djali i Muqrin bin Abdulaziz Al Saudit. Në vitin 2013, Mansour u martua me një vajzë të princit Saud bin Fahd Al Saud.
Në prill të vitit 2015, ai u emërua Këshilltar i Kujdestarit të dy Xhamive të Shenjta me gradën e ministrit.
