Real Madrid ka arritur ta mbyllë në fitore pjesën e parë përballë Las Palmas, ku ka qenë Casemiro që ka zhbllokuar sfidën 5 minuta para përfundimit. Madrilenët dominojnë të gjithë pjesën e parë dhe e godasin shumë herë portën e kundërshtarëve. Është Benzema që ka një shans të artë në fillimin e ndeshjes, por as nuk godet si duhet dhe as nuk pason për Asension që ishte me portën e boshatisur.
Duket qartë që sulmi i Real po vuan për të shënuar, pasi goli ka ardhur nga një mesfushorë me kokë, në topin e ardhur nga një goditje këndi. Real Madrid do përpiqet të shënojë sërish dhe ta fitojë ndeshjen, pasi vijnë nga një ecuri mjaft negative.
Milani është duke fituar në transfertën e vështirë të Sassuolos. Golin për kuqezinjtë e ka gjetur Romagnoli, pas një krosi të hedhur në zonë nga Calhanoglu. Sassuolo është një ekip mjaft i vështirë dhe ndaj Milanit gjithmonë ka zhvilluar ndeshje mjaft të mira. Por sonte është Milan që do të kërkojë ta ruaj këtë avantazh deri në fundin e takimit, pasi ky fillim sezoni ka qenë mjaft i dobët dhe ka venë në dyshim shumë lojtarë e trajnerin për të ardhmen që do të kenë.
